Liefde Gewelf

Diamandhelder sterre skitter

bo sekelmaan se lig,

waar somerson omvou 

hart van goud, van glas,

en angelier rooi bloeisels

kartel soet die liefde.

Liefde au naturel

Met klaasvakie se sand nog vlak in my oë
vang ek myself met 'n glimlag
en 'n huppel in my gemoed
want ek dink aan jou
en droom van koue oggende soos die
waar ons warm lepel lê
en vader-tyd geen sê het nie
en moeder-natuur glimlag
vir die liefde wat blom.



Baie lief vir jou prinses.

Van Gogh se glimlag

In huil is daar ʼn vreugde.

In lag skuil daar ʼn traan.

Niks is ooit kompleet nie,

tog alles ʼn geheel.

Die kringloop van die lewe,

ʼn metamorfose van die siel.

Begin is net die einde,

en einde, ʼn weer begin.

In vreugde is daar trane.

En lag is tog maar huil.

Ongeskrewe

Ongebore
en ongesien
Ongespeen
en ongetand
Ongelief
en onversorged
Onbelese
en ongeskoold
Ongesê
en ongehoord
Ongeskrewe
en ongesiend
Ongehuud
en ongeskei
Ongebonde
en onbeperk
Ongeduld
en ongeërg
Ongenoeë
en ongerus
Ongevoeglik
en ongeklee
Ongeskik
en ongesog
Ongebore
en onontslaap

Trane

Wanner suurreën jou trane is,
jou hart nie klop nie maar skeur,
en die bloed in jou are verkeerd om vloei,
en God net ander hoor en antwoord,
en jy alleen is tussen tienduisend,
kan jy nie anders as om oor die dood te dink nie,
en te wonder. . . . . .

11/11/2011

Lentebloeisel

Lentebloeisel vrugsbelofte, fyn-en-mooi
Self Salomo se lelies was nie so getooi.

Lentebloeisel vrugsbelofte, soet-van-geur
Self albasterflessie olie is nie so gekleur.

Lentebloeisel vrugsbelofte, sag-sonder-woorde
Alleen eng'le harpe speel sulke mooi akkoorde.

Lentebloeisel vrugsbelofte, onbewuste-eie-prag
Selfs die hem'le-gewelf bekoor nie so in die nag.

Lentebloeisel vrugsbelofte, my-hart-gesteel
Selfs my trane word deur jou geheel.

Lentebloeisel vrugsbelofte, een-tussen-duisend
Het God jou self gekies vir Hom al juigend.

Lentenbloeisel vrugsbelofte, kind-van-God
Vir jou het Hy tot die dood gely, Sy hartsgebod.




Met dank aan my Hemelse Vader en vriende wat my so inspireer.

Hersenskin van Liefde

Soos ʼn bedrieglike marige in die woestyn,
belofte van water hou.
So is die illusie van liefde net ʼn hersenskim,
wat die siel, met hoop, terg.
Terg met 'n vreugdevolle en opgewonde ritme,
en laat so die metrum van my lewe
verby tik, tik, tik .......
Terwyl my siel tydloos
tot doodse stilstand gedwing word.
Vind ek my gedwonge oor my lewe bepeins,
in 'n denkelose wêreld.
Vind ek meer egtheid in trane,
as die hartseer van die dood,
by die oop bek van 'n graf.